Pune : पुण्यातील हॉटेल चालकांसाठी महत्त्वाची बातमी, FDA नं जारी केले नियम

separate veg non-veg cooking, FDA rules hotels : शाकाहारी आणि मांसाहारी पदार्थांची तयारी, प्रक्रिया आणि शिजवणे वेगळे करावे, असा सक्त आदेश अन्न व औषध प्रशासनाचे अन्न सुरक्षा आयुक्तांनी पुण्यातील हॉटेल व्यावसायिकांना दिला आहे. अन्न सुरक्षा नियमांचे पालन न केल्यास परवाना रद्द, दंड किंवा कायदेशीर कारवाई होईल, असा इशारा त्यांनी दिला.

अन्न सुरक्षा ही केवळ कायदेशीर बाब नसून ग्राहकांच्या आरोग्याशी निगडित जबाबदारी आहे. नियमांचे उल्लंघन करणाऱ्या आस्थापनांना त्वरित नोटीस आणि कारवाईचा सामना करावा लागेल. गेल्या वर्षी राज्यातील ३० हजार हॉटेल व्यावसायिकांना अन्न सुरक्षा प्रशिक्षण देण्यात आले. यंदा एक लाख व्यावसायिकांना प्रशिक्षण देण्याचे नियोजन आहे. नागरिकांना अन्न भेसळीच्या तक्रारी हेल्पलाइन किंवा Food Safety Connect App वर नोंदवण्याचे आवाहन आयुक्तांनी केले आहे.