Pune : पोलिसांनी अट्टल गुन्हेगाराला बेड्या घातल्या, थरार CCTV मध्ये कैद | पाहा VIDEO

पुण्यात पर्वती दर्शन परिसरात खळबळजनक घटना घडली आहे. एका कच्छी दाबेली विक्रेत्या तरुणाचा चाकूने वार करत निर्घृण खून करण्यात आला आहे. या घटनेनंतर पोलिसांनी पसार झालेल्या हल्लेखोराला अटक केली. एका इमारतीच्या टेरेसवर जाऊन पळून जात असलेल्या आरोपीला पकडतानाचा थरार सीसीटिव्ही मध्ये कैद झाला आहे. दिनेश प्रभाकर क्षीरसागर असे अटक करण्यात आलेल्या आरोपीचे नाव आहे. आरोपी हा फिरस्ता असून त्याला दारूचे व्यसन असल्याची माहिती समोर आली आहे. मागील चार महिन्यापासून त्याने गाव सोडले होते.

दानिश सिद्दिकी असे खून झालेल्या तरुणाचे नाव आहे. याबाबत पोलिसांनी दिलेल्या माहितीनुसार, दानिश काही वर्षांपासून पर्वती दर्शन परिसरात राहात होता. पर्वती दर्शन भागात तो हातगाडीवर कच्छी दाबेली विक्री व्यवसाय करत होता. सोमवारी सकाळी दानिश याच्या घराचा दरवाजा उघडा होता. त्याचवेळी हल्लेखोर त्याच्या घरात शिरला आणि त्याने दानिशला पकडले. यावेळी दोघांमध्ये झटापट झाली. त्यात हल्लेखोराने चाकूने दानिशच्या गळ्यावर सपासप वार केले.