Pune Politics: आरोप सिद्ध नाही झाले तर राजकारण सोडा; मुरलीधर मोहोळ यांचे अजित पवारांना "ओपन चॅलेंज"

पुण्यातील एका गुन्हेगाराला विदेशात पळून जाण्यासाठी मुरलीधर मोहोळ यांनी मदत केली असं ते (अजित पवार) म्हणाले. एका व्यासपीठावर या आणि सिद्ध करा, मी राजकारण सोडून देतो, नाही सिद्ध झालं तर तुम्ही राजकारणातून बाहेर व्हायचं असं थेट आव्हान केंद्रीय राज्य मंत्री आणि पुण्याचे खासदार मुरलीधर मोहोळ यांनी अजित पवार यांना दिलं आहे. पुणे महापालिका निवडणुकीच्या पार्श्वभूमीवर आज खासदार मुरलीधर मोहोळ यांनी पुणे मेट्रो ने प्रवास करत त्यांनी संवाद साधला. पुण्यातील गुन्हेगाराला परदेशात पाठवल्याचा आरोप अजित पवार यांनी मुरलीधर मोहोळ यांच्यावर केला होता. आगामी पुणे महापालिकेच्या निवडणुकीत १२० ते १२५ जागा भाजपला मिळतील असा विश्वास सुद्धा त्यांनी यावेळी केला.