Pune Air Quality : पुणेकरांनो काळजी घ्या! मुंबईपेक्षाही हवा झाली खराब, श्वसनाच्या आजारांना निमंत्रण

पुण्यातील हवेची गुणवत्ता दिवसेंदिवस खालावत चालली असून, हवा गुणवत्ता निर्देशांक (AQI) १९१ वर पोहोचला आहे. एका अहवालानुसार, पुण्याचा प्रवास आता दिल्लीच्या वाटेवर असल्याचे समोर आले आहे. हवेतील धूलिकणांचे वाढते प्रमाण नागरिकांच्या आरोग्यासाठी धोकादायक ठरत आहे. सलग दुसऱ्या वर्षी पुण्यात तीन दिवस हवेची गुणवत्ता अत्यंत खराब नोंदवली गेली आहे. मुंबईपेक्षाही पुण्याची हवा अधिक प्रदूषित झाल्याचे या बातमीतून स्पष्ट होत आहे.

हवेची गुणवत्ता ढासळत असल्याने श्वसनाच्या आजारांना निमंत्रण मिळत आहे.महापालिकेने विविध संशोधन संस्थांच्या सहभागातून संकलित केलेल्या माहितीतून हा निष्कर्ष पुढे आला आहे. शिवाजीनगर,लोहगाव,कात्रज,पाषाण या चार प्रमुख भागातील वर्षभरातील हवेच्या गुणवत्तेच्या आकडेवारी प्रसिद्ध केली असून चारही ठिकाणी हवेतील धुलीकणांचे प्रमाण मर्यादेपेक्षा जास्त असल्याचे अहवालात स्पष्ट झाले..