Prashant Koratkar: मोठ्या पोलिस बंदोबस्तात शिवद्रोही प्रशांत कोरटकरची कळंबा कारागृहातून सुटका|VIDEO

कोल्हापूर: शिवद्रोही प्रशांत कोरटकरची कळंबा जेलमधून अखेर सुटका झाली आहे. दोन दिवसापूर्वी कोल्हापूर न्यायालयाकडून त्याला जमीन मंजूर करण्यात आला होता. मात्र जामीन होऊनही त्याचा जेलमधला मुक्काम हा दोन दिवसासाठी वाढवण्यात आला होता. अखेर आज 16 दिवसांनी त्याची सुटका होणार आहे. इतिहासकार इंद्रजित सावंत यांना फोन करून धमकी आणि छत्रपती शिवाजी महाराज यांच्याबद्दल अवमानकारक वक्तव्य केल्यामुळे तो अनेक दिवसांपासून पोलिसांना गुंगारा देत होता. मोठ्या कसरतीने त्याला पोलिसांनी बेड्या ठोकल्या होत्या. आज त्याची सुटका झाली असून मोठ्या पोलीस बंदोबस्तात त्याला बाहेर सोडण्यात आले आहे. प्रशांत कोरटकरवर दोन वेळा हल्ला देखील झाला होता. यामुळे त्याने कोर्टाकडे सुरक्षाची मागणी केली होती. या पार्श्वभूमीवर त्याला व्हिआयपी सुविधा देण्यात आल्याचे पाहायला मिळत आहे.