Prashant Koratkar : प्रशांत कोरटकर दुबईला पळाल्याचा संशय, लूकआउट नोटीस जारी

गेल्या काही दिवसांपासून फरार प्रशांत कोरटकर दुबईला पळून गेल्याची जोरदार चर्चा आहे. कोरटकर कोलकातामार्गे दुबईला गेल्याचं बोललं जात आहे. त्याचा दुबईतला फोटो व्हायरल झाला आहे. छत्रपती शिवरायांबद्दल अक्षेपार्ह वक्तव्य करणाऱ्या कोरटकरला मुंबई हायकोर्टाकडून दिलासा मिळाला नाही. त्याच्या अटकपूर्व जामीन अर्जावर सोमवारी सुनावणी होणार आहे. कोणत्याही क्षणी अटक होण्याची शक्यता असताना तो दुबईत पळून गेल्याचा संशय आहे.

दुसरीकडे राष्ट्रवादी काँग्रेसचे आमदार अमोल मिटकरी यांनी वेगळाच संशय व्यक्त केला आहे. नागपूर पोलिसांनीच कोरटकरला मदत केल्याचा गंभीर आरोप त्यांनी केला आहे. आता कोरटकर प्रकरणात नवी माहिती समोर आली आहे. प्रशांत कोरटकर याच्याविरोधात लुकाउट नोटीस जारी करण्यात आली आहे. कोरटकर याने कुठे-कुठे प्रवास केला याची देखील माहिती ब्युरो ऑफ इमिग्रेशनकडून घेतली जात आहे.