Bachchu Kadu: बच्चू कडूंच्या उपोषणाची दखल घेतली नाही, प्रहारच्या पदाधिकाऱ्याकडून विष प्राशन, घटनेने खळबळ|VIDEO

गेल्या सहा दिवसांपासून प्रहार संघटनेचे प्रमुख बच्चू कडू हे शेतकरी कर्जमाफी आणि दिव्यांगाच्या विविध मागण्यांसाठी उपोषणाला बसले आहेत. त्यांच्या या उपोषणाला अनेक पक्षांनी पाठिंबाही दिला आहे. दोन दिवसांपूर्वी देखील प्रहारच्या कार्यकर्त्यांनी मंत्रालयजवळ आंदोलन केले होते. बच्चू कडू यांची प्रकृती देखील खलावत आहे. अशातच आज एका प्रहारच्या पदाधिकाऱ्यांनी विष प्राशन केले आहे. बच्चू कडू यांच्या अन्नत्याग उपोषणाशी दखल न घेतल्याने विष प्राशन केले आहे. अजय चौधरी असं विष प्राशन केलेल्या पदाधिकाऱ्याचं नाव आहे. अजय चौधरी हे प्रहार वरुड तालुका संपर्क प्रमुख आहेत. त्यांच्यावर वरुड येथील खाजगी रुग्णालयामध्ये उपचार सुरू आहेत.