Assembly Election: बाळासाहेबांच्या पुण्यतिथीला पोस्टर वॉर; दोन्ही शिवसेनेचा एकमेकांवर प्रहार

विधानसभा निवडणुकीच्या प्रचारात पुन्हा शिवसेना विरुद्ध शिवसेना सामना रंगलाय.. तर शिंदे गटाने बाळासाहेब ठाकरेंच्या पुण्यतिथीनिमीत्त जाहिरातीतून उद्धव ठाकरेंना डिवचलंय...शिवसेनेची काँग्रेस होऊ देणार नाही या बाळासाहेंबाच्या विधानाचा संदर्भा घेऊन शिंदे गटानं ही जाहिरात छापलीय. त्याला उद्धव ठाकरेंनीही उत्तर देताना मग काय शिवसेनेची कमळाबाई करायची का? असा सवाल करत पलटवार केलाय.

महाविकास आघाडीत ठाकरे गटाला 96 तर महायुतीच्या जागा वाटपात शिंदे गटाच्या वाट्याला 81 जागा आल्या आहेत. त्यापैकी 52 जागांवर मशाल विरुद्ध धनुष्यबाण अशी थेट लढत होणार आहे. दोन्ही शिवसेनेचा जोरदार प्रचार सुरु असतानाच आता बाळासाहेब ठाकरेंच्या पुण्यतिथीच्या दिवशीच बाळासाहेबांच्या विधानावरून ठाकरे गटाला घेरण्याचा प्रयत्न केला. मात्र बाळासाहेबांच्या विचारांवर नेमकी कोणती शिवसेना चाललीय आणि कोणत्या शिवसेनेचा विचार मतदारांना भावणार हे निकालानंतरच स्पष्ट होणार.