Pooja Khedkar : पूजा खेडकरचे वडील विधानसभा लढवणार, विखेंवर टीका करत घोषणा

वादग्रस्त सनदी अधिकारी पूजा खेडकरचे वडील माजी सनदी अधिकारी दिलीप खेडकर यांनी पुन्हा एकदा विधानसभा निवडणूक रिंगणात उतरण्याची तयारी सुरु केली आहे. शेवगाव - पाथर्डी विधानसभा मतदार संघातून ते निवडणुकीची तयारी करत असल्याची माहिती त्यांनी दिली आहे. राजकारणातून मला संपविण्याचा जरी प्रयत्न केला गेला असला तरी मी विधानसभा निवडणूक लढविणार अशी टीका त्यांनी नाव न घेता पुन्हा विखेंवर केली आहे.

वादग्रस्त सनदी अधिकारी पूजा खेडकरचे वडील माजी सनदी अधिकारी दिलीप खेडकर यांनी पुन्हा एकदा विधानसभा निवडणूक रिंगणात उतरण्याची तयारी सुरु केली आहे. शेवगाव - पाथर्डी विधानसभा मतदारसंघातून ते निवडणुकीची तयारी करत असल्याची माहिती त्यांनी दिली. दिलीप खेडकर यांनी सांगितलं की लोकसभा निवडणुकीत जरी माझा पराभव झालेला असला तरी प्रस्थापीतांना त्यांचा पराभव माझ्यामुळे झाला असल्याच वाटत आहे आणि त्यामुळे वेगवेगळ्या पद्धतीने मला व माझ्या कुटूंबीयाला त्रास देण्याचा प्रयत्न झाला. त्यामुळे मला जरी राजकारणातून संपविण्याचा प्रयत्न करण्यात आला असला तरी मी विधानसभेची निवडणूक लढवीत असल्याची माहिती दिलीप खेडकर यांनी दिली आहे.