अक्कलकोटच्या राजकारणात सध्या नेत्यांमधील आरोप-प्रत्यारोपांना सुरुवात झाली आहे. शिंदेसेनेचे नेते आणि अक्कलकोटचे माजी आमदार सिद्धाराम म्हेत्रे यांनी पंतप्रधान नरेंद्र मोदी यांच्यावर टीका केली आहे. केंद्र सरकारकडून शेतकऱ्यांच्या खात्यात पैसे जमा झाल्यानंतर ते काढण्यासाठी शेतकरी बँकांमध्ये गर्दी करतात, अशी टिप्पणी म्हेत्रे यांनी केली.
मोदी सरकारकडून मिळणाऱ्या पैशांसाठी शेतकरी इतके धावपळ करतात की त्यांचे धोतर फाटेपर्यंत ते बँकेत जातात, अशा शब्दांत त्यांनी आपले मत मांडले. त्यांच्या या वक्तव्यामुळे राजकीय वर्तुळात चर्चा सुरू झाली आहे. दरम्यान, म्हेत्रे यांच्या या विधानाला भाजप आमदार सचिन कल्याणशेट्टी यांनी प्रत्युत्तर दिले आहे. शेतकऱ्यांच्या प्रश्नांवर बोलण्यापूर्वी म्हेत्रे यांनी स्वतःच्या कार्यकाळात शेतकऱ्यांसाठी काय केले, याचे उत्तर द्यावे, असे कल्याणशेट्टी यांनी म्हटले.
इतकेच नाही तर म्हेत्रे यांनी शेतकऱ्यांचे किती पैसे बुडवले, असा थेट सवालही त्यांनी उपस्थित केला. त्यामुळे आता या दोन्ही नेत्यांमधील शाब्दिक संघर्षाची चर्चा अक्कलकोटसह जिल्ह्याच्या राजकीय वर्तुळात रंगू लागली आहे. या आरोप-प्रत्यारोपांवर सिद्धाराम म्हेत्रे काय उत्तर देतात, याकडे सर्वांचे लक्ष लागले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.