Tuljapur Drugs Case: तुळजापूर ड्रग्स प्रकरणात राजकीय कनेक्शन, VIDEO

तुळजापुर ड्रग्स तस्करी प्रकरणात तुळजापूरचे माजी नगराध्यक्ष चंद्रकांत काणे,पंचायत समितीचे माजी उपसभापती शरद जमदाडे,युवा नेते विनोद गंगणे आदी भाजपच्या राजकीय नेत्यांची नावे आरोपी म्हणून घोषित करण्यात आल्याने एकच खळबळ उडाली आहे. त्यामुळे या प्रकरणातील आरोपींची संख्या २५ झाली आहे.यातील १२ आरोपी फरार आहेत तर १३ गजाआड आहेत.

दरम्यान मागील महीन्यात १४ फेब्रुवारी रोजी पोलिसांनी तामलवाडी टोलनाका जवळ ड्रग्स कारवाई केली होती त्यानंतर तब्बल दिड महीन्यांनी पोलिसांनी चार गोपनीय नावे जाहीर केली आहेत.यातील चार ही आरोपींना फरार घोषीत केले आहे.

या फरार आरोपींचा शोध घेण्यासाठी पोलीसांनी पथके नेमले असुन शोध घेण्यात येत आहे. तर तुळजापूरच्या उबाठा गटाचे कार्यकर्ते राहुल परमेश्वर आणि सुमित शिंदे हे या दोन्ही आरोपीसोबत ठाकरे गटाचे खासदार ओमराजे निंबाळकर यांचे फोटो व्हायरल झाल्याने या प्रकरणाला आता राजकीय वळण लागले आहे.