PM Modi News Update : बंजारा समाजासाठी मोदींचा वाशिम दौरा

पंतप्रधान नरेंद्र मोदी 26 सप्टेंबरला वाशिमच्या दौऱ्यावर आहेत. यावेळी मोदी बंजारा समाजाची काशी म्हणून ओळख असलेल्या पोहरादेवीला देखील ते भेट देणार आहेत. वाशिमचे पालकमंत्री संजय राठोड यांनी ही माहिती दिली आहे.

पंतप्रधान नरेंद्र मोदी लवकरच वाशिम जिल्हा दौरा करणार असून येत्या 26 सप्टेंबरला ते वाशिमला येणार असल्याची माहिती आहे. यावेळी मोदी पोहरादेवीला भेट देणार आहेत. पोहरादेवी इथे असलेल्या नंगारा वास्तु संग्रहालयाचं लोकार्पण यावेळी नरेंद्र मोदी करणार आहेत. पालकमंत्री संजय राठोड यांनी ही माहिती दिली आहे. नंगारा वास्तु संग्रहालय बंजारा समाजाची संस्कृती देवाणघेवाण करण्यासाठी आणि बंजारा समाजाचा विकास म्हणून ओळखला जाणार आहे. या सोहळ्याला राज्याचे मुख्यमंत्री, दोन्ही उपमुख्यमंत्री आणि मंत्रीमंडळातील काही महत्वाचे मंत्री उपस्थित राहणार आहेत.