PM Modi : देशाचे ३ मोठे शत्रू कोणते? रावण दहनानंतर पंतप्रधान मोदींचे देशावासियांना मोठे आवाहन

PM Narendra Modi speech after Ravana Dahan on Dussehra : दशहरा आणि विजयादशमीच्या पवित्र पर्वावर पंतप्रधान नरेंद्र मोदी यांनी देशवासियांना संबोधित करताना एक अत्यंत मोठं विधान केले. रावण दहनानंतर बोलताना पीएम मोदींनी देशासमोर उभे ठाकलेले ३ सर्वात मोठे शत्रू कोणते, याचा जाहीर उच्चार केला आहे. देशाच्या एकता, मान-सम्मान आणि संस्कृतीला आतून पोखरणाऱ्या या तीन शत्रूंचा खात्मा करण्यासाठी आता संपूर्ण देशाला एकत्र येऊन लढा द्यावा लागेल, असा पंतप्रधान मोदींनी देशवासीयांना सावध केले आहे.

पंतप्रधान नरेंद्र मोदी यांनी देशवासीयांना विजयादशमीच्या हार्दिक शुभेच्छा दिल्या. आज देशाचा कोना-कोना राममय झाला आहे. गाव आणि शहरांमध्ये रामलीलांचे आयोजन करण्यात येत असल्याचे यावेळी त्यांनी म्हटले. यावेळी बोलताना पंतप्रधान म्हणाले की, रामलीलांचे मंचन ही प्रभू श्री राम यांचा आदर्श जिवंत ठेवण्याची परंपरा आहे. हा सण म्हणजे अत्याचार आणि आतंक संपवण्याचा उद्घोष तसेच असत्यावर सत्याच्या विजयाचा विश्वास आहे. हा आपल्यासाठी केवळ एक सण नसून भारताची प्राण ऊर्जा आहे. ते म्हणाले की, या देशाने आणि संस्कृतीने हजारो वर्षांपासून प्रभू श्रीरामांची उपासना केली आहे. ही श्रद्धा केवळ त्यांनी रावणाचा वध केला म्हणून नाही, तर त्यांनी मानवी इतिहासात अतुलनीय असे आदर्श निर्माण केले आहेत, असे गौरवोद्गार पंतप्रधानांनी काढले.