PM Modi News Update : पंतप्रधान मोदींचा वाशिम दौरा पुढे ढकलला

पंतप्रधान नरेंद्र मोदी यांचा 26 सप्टेंबरला होणारा वाशिम दौरा आता पुढे ढकलण्यात आला आहे. आता हा दौरा 5 ऑक्टोबरला होणार असल्याची माहिती वाशिमचे पालकमंत्री संजय राठोड यांनी दिली आहे.

वाशिम येथे पंतप्रधान मोदी हे विकासकामांच्या लोकार्पणासाठी दौरा करणार होते. मात्र आता हा दौरा पुढे ढकलण्यात आला आहे. 5 ऑक्टोबरला आता हा दौरा ठेवण्यात आला आहे. बंजारा समाजाची काशी म्हणून ओळख असलेल्या पोहरादेवीला मोदी भेट देणार आहेत. पोहरादेवी इथे असलेल्या नंगारा वास्तु संग्रहालयाचं लोकार्पण यावेळी नरेंद्र मोदी करणार आहेत. पालकमंत्री संजय राठोड यांनी ही माहिती दिली आहे. नंगारा वास्तु संग्रहालय बंजारा समाजाची संस्कृती देवाणघेवाण करण्यासाठी आणि बंजारा समाजाचा विकास म्हणून ओळखला जाणार आहे. या सोहळ्याला राज्याचे मुख्यमंत्री, दोन्ही उपमुख्यमंत्री आणि मंत्रीमंडळातील काही महत्वाचे मंत्री उपस्थित राहणार आहेत.