Shubhanshu Shukla: अंतराळातून भारत खरा कसा दिसतो? कॅप्टन शुभांशु शुक्लांनी PM मोदींना सांगितला स्पेस यात्रेचा अनुभव

भारतीय हवाई दलाचे ग्रुप कॅप्टन शुभांशू शुक्ला यांनी आंतरराष्ट्रीय अंतराळ स्थानकावर (ISS) पाऊल ठेवून एक नवा इतिहास रचलाय. अंतराळाची यात्रा करणारे दुसरे भारतीय नाही तर अंतराळ स्थानकावर पोहोचणारे पहिले भारतीय देखील बनले आहेत. या अभिमानास्पद क्षणी पंतप्रधान नरेंद्र मोदी यांनी अंतराळात असलेल्या शुभांशू शुक्ला यांच्याशी खास संवाद साधला. यादरम्यान दोघांमध्ये अनेक विषयांवर संवाद झाला. यादरम्यान, पंतप्रधान मोदींनी शुभांशूला विचारले की, अंतराळाची विशालता पाहिल्यानंतर पहिला विचार कोणता होता? यावर उत्तर देताना ग्रुप कॅप्टन म्हणाले की जेव्हा आम्ही पहिल्यांदाच कक्षेत पोहोचलो तेव्हा पहिला व्ह्यू पृथ्वीचा होता. या काळात माझ्या मनात पहिला विचार आला की संपूर्ण पृथ्वी एकसारखी दिसते. कोणतीही सीमा दिसत नाही. दुसरी गोष्ट जी मला लक्षात आली ती म्हणजे जेव्हा मी अंतराळातून भारत पाहिला तेव्हा मला जाणवले की, आपला देश नकाशावर आपल्याला दिसतो तितका मोठा नाही. पण भारत खरोखरच खूप भव्य आणि मोठा दिसतो.