Jalgaon News: पाणीपुरी खाताय? सावधान! जळगावात 80 जणांना विषबाधा

Jalgaon News: जळगावातून धक्कादायक बातमी समोर येत आहे. जळगावच्या चोपडा तालुक्यातील कमळगाव येथे आठवडे बाजारात पाणीपुरी खाल्ल्याने सुमारे ८० जणांना विषबाधाझाली आहे. कमळगाव येथे चांदसणी, मितावली, पिंप्री तसेच आजूबाजूच्या खेड्यांतील ग्रामस्थ बाजारासाठी येत असतात. त्या ठिकाणी अनेकांनी पाणीपुरी खाल्ली, त्यातील अनेकांना मंगळवारी सकाळी उलट्या, जुलाब, पोट दुखण्याचा त्रास जाणवू लागल्याने त्यांनी खासगी रुग्णालयात धाव घेतली. विषबाधा झालेल्या ७० ते ३० रुग्णांवर चोपडा येथील उपजिल्हा रुग्णालयात तसेच इतर रुग्णांवर खासगी व जळगाव जिल्हा रुग्णालयात उपचार सुरु आहेत. रात्री सुमारे १० रुग्णांवर अडावद येथे उपचार सुरू होते. पाणीपुरी खाल्ल्यामुळे त्रास झाला असल्याचं सोमनाथ जगन कोळी यांनी पोलिस स्टेशनमध्ये लेखी जबाब दिला आहे.