Palghar News: विद्यार्थ्यांचा शाळेत जाण्यासाठी जीवघेणा प्रवास, पाहून अंगावर काटाच येईल... VIDEO

फय्याज शेख, साम टीव्ही

पालघर: पुल व रस्ता नसल्याने विद्यार्थ्यांना शिक्षणासाठी नदीतून जीवघेणा प्रवास करावा लागतोय. पिंजाळ नदीच्या कडेला असलेल्या गाव पाड्यांमधील राहाणाऱ्या नागरिकांना देखील जव्हार, वाडा, विक्रमगड तालुक्यात जाण्यासाठी अनेक पिंजाळ नदी पार करून गेल्या शिवाय पर्याय व्यवस्था नाही

पालघर जिल्ह्यातील वाडा, विक्रमगड, जव्हार या तालुक्यातून पिंजाळ नदी गेली असून या नदी शेजारी अनेक आदिवासी वाड्या वस्त्या वसलेल्या आहेत. रस्ता व नदीवर पूल नसल्याने व दुसरा कोणताचा पर्यायी मार्ग नसल्याने या आदिवासी पाड्यातील विद्यार्थ्यांना एका टूबच्या सहय्याने नदी पार करून शाळेत जावे लागते. तर दुसरीकडे याच पाड्यातील नागरिकांना तालुक्याच्या ठिकाणी किंवा रूग्णालयात जाण्यासाठी नदी पार करूनच जावे लागते. पावसाळ्यात नदीला पाणी जास्त असले तर बाहेर निघता येत नाही यामुळे अनेक लहान बाळ असो कि वयोवृद्ध रूग्ण यांना उपचार विना तसेच राहवे लागते, किंवा आपला प्राण गमवावे लागते. असे अनेक घटना घडल्या आहेत मात्र तेव्हा तत्पुरता प्रशासन जागा होतो व नंतर कोणतेही प्रयत्न केले जात नाही.