Kanda Express : कांदा एक्स्प्रेस लासलगाव येथे रोखली, VIDEO

अजय सोनावणे, नाशिक | साम टीव्ही

एनसीसीएफचा ८५० टन कांदा घेऊन लासलगावहून दिल्लीकडे रवाना होण्याच्या तयारीत असलेली कांदा एक्स्प्रेस प्रहारचे गणेश निंबाळकर यांच्यासह कार्यकर्त्यांनी रेल्वे स्थानकातील मालधक्क्यावर रोखून धरली. रॅकमध्ये सडका आणि खराब कांदा पाठवला जात असल्याचा आरोप निंबाळकर यांनी केला. तसेच एनसीसीएफच्या अधिकाऱ्यांना त्यांनी धारेवर धरले. त्यामुळे काही वेळ गोंधळ उडाला.

रेल्वे पोलीस आणि आरपीएफचे जवान घटनास्थळी पोहोचले. त्यांनी निंबाळकरांची समजूत काढण्याचा प्रयत्न केला. पण ते काहीही ऐकून घेण्याच्या मनस्थितीत नव्हते. त्यामुळे कांदा एक्स्प्रेस सध्या तरी लासलगाव रेल्वे स्थानकाच्या मालधक्क्यावर उभी आहे. नाफेड आणि एनसीसीएफने परराज्यातून हलक्या प्रतीचा सडका कांदा नाशिक जिल्ह्यात आणला होता. त्याची पोलखोल झाली. अशा परिस्थितीत तो कांदा परराज्यात पाठवला जात असल्याचा आरोप निंबाळकर यांनी केला.