ती एक फाइल, वेळ चुकली अन् पुढे घडला हा अनर्थ; अजितदादांसोबत कायम असणाऱ्या व्यक्तीनं सांगितला आदल्या दिवसाचा घटनाक्रम|VIDEO

संपूर्ण राज्याला सुन्न करून उपमुख्यमंत्री अजित पवार अनंताच्या प्रवासाला निघून गेले. यामुळे संपूर्ण राज्यावर शोककळा पसरली आहे. अजित पवार हे नेहमीच गाडीने प्रवास करायचे. हवाई प्रवास ते सहसा टाळायचे. यावेळी देखील ते त्यांच्या ताफ्यानेच जाणार होते. मात्र त्या एका फाईलने अजितदादांना थांबावे लागले आणि अजित पवारांनी रात्रीचा मुक्काम हा मुंबईमध्ये करण्याचे ठरवले.

गेल्या 27 वर्षांपासून चालक म्हणून काम करणाऱ्या श्यामराव मनवे यांनी याबाबत माहिती दिली. ते म्हणाले रात्री आम्ही जाणार होतो. मंगळवारी कॅबिनेट बैठक करून आलो. दादा मला म्हणाले पुण्याला जाऊया. पण रात्री मीटिंग लागल्यामुळे त्यांना उशीर झाला आणि त्यांनी बारामतीला विमानाने जाण्याचे ठरवले. जर रस्ते मार्गाने दादा आले असते तर असे घडले नसते.

नागपूरला धान खरेदीच्या संदर्भात एका फाईलीवर अजित पवारांची सही लागत होती. ती येण्यास उशीर झाला आणि अजितदादांनी बारामतीला जाण्याचा रस्ता बदलला.