OBC Reservation On Corporators: ओबीसी कोट्यामुळे 'या' नगरसेवकांना मोठा धक्का|VIDEO

मुंबई महानगरपालिकेच्या आगामी निवडणुकीसाठी २२७ प्रभागांची आरक्षण सोडत जाहीर झाली आहे. यामध्ये अनुसूचित जाती, जमाती, इतर मागासवर्ग (ओबीसी) आणि महिलांसाठी जागा निश्चित करण्यात आल्या आहेत. या आरक्षणामुळे अनेक विद्यमान आणि माजी नगरसेवकांचे प्रभाग राखीव झाल्याने त्यांना मोठा धक्का बसला आहे. यामध्ये शिवसेना (ठाकरे गट), शिवसेना (शिंदे गट), भाजप आणि काँग्रेसच्या अनेक प्रमुख नावांचा समावेश आहे. या सोडतीच्या प्रारूपावर २० नोव्हेंबर २०२५ पर्यंत हरकती आणि सूचना दाखल करता येणार असून, त्यानंतर अंतिम अधिसूचना प्रसिद्ध केली जाईल. एका वृत्तानुसार, 'या वॉर्ड आरक्षणाकडे अनेक माजी नगरसेवक, इच्छुक उमेदवार आणि राजकीय पक्षांच्या प्रतिनिधींचं लक्ष लागून होतं. आजच्या आरक्षण सोडतीमुळे अनेक माजी नगरसेवकांचा पत्ता कट झाला आहे.'