Sunil Tingre : अखेर वडगाव शेरीत टिंगरेंना उमेदवारी जाहीर

सुनील टिंगरे यांना अखेर राष्ट्रवादी कॉंग्रेस अजित पवार यांच्या गटाकडून उमेदवारी देण्यात आली आहे. वडगाव शेरी मतदारसंघातून ते निवडणूक लढवणार आहेत. याठिकाणी भाजपकडून जगदीश मुळीक हे इच्छुक होते. कल्याणीनगर अपघात प्रकरणात सुनील टिंगरे यांना उमेदवारी मिळणार की नाही याबाबत संभ्रम होता. मात्र आज त्यांची उमेदवारी निश्चित झाली आहे. त्यामुळे आता भाजपचे माजी आमदार जगदीश मुळीक काय भूमिका घेणार हे पाहाणं महत्वाचं असणार आहे.

वडगाव शेरी मतदारसंघातून महायुतीकडून राष्ट्रवादी अजित पवार गटकडून सुनील टिंगरे आणि भाजपकडून जगदीश मुळीक हे दोघे उमेदवार इच्छुक होते. त्यामुळे इथे तिढा निर्माण होण्याची शक्यता होती. त्यानंतर आज सुनील टिंगरे यांना उमेदवारी जाहीर झाली आहे. त्यामुळे जगदीश मुळीक यांची भूमिका महत्वाची असणार आहे. तर सुनील टिंगरे यांना शरद पवार यांनी 'जनताच तुझा बंदोबस्त करेल' असा दम भरला होता. त्यामुळे आता निवडणुकीच्या पार्श्वभूमीवर त्यांना उमेदवारी मिळाल्याने या ठिकाणी राजकीय समीकरण बदलेल का हे पाहाणं महत्वाचं ठरणार आहे.

Edited By Rakhi Rajput