Nanded News: नांदेड हादरलं!भरचौकात तरुणाला बेदम मारलं; धक्कादायक कारण समोर|VIDEO

नांदेड: शहरातील भाग्यनगर पोलीस ठाण्याच्या हद्दीत काल रात्री उशिरा एक धक्कादायक घटना घडली. निलेश कल्याणकर या तरुणाला दुचाकीवरून आलेल्या तिघांनी रॉडने जबर मारहाण केली. निलेश आपल्या मित्रासोबत पायी जात असताना, तिघेजण दुचाकीवरून येऊन थेट रस्त्यावर उतरले आणि रॉडने अचानक हल्ला चढवला.

ही संपूर्ण घटना परिसरातील सीसीटीव्ही कॅमेरामध्ये कैद झाली असून, या प्रकरणी भाग्यनगर पोलीस ठाण्यात तीन अनोळखी आरोपींविरोधात गुन्हा दाखल करण्यात आला आहे.

घटनास्थळी मारहाण सुरू असताना अनेक नागरिकांनी गर्दी केली होती. मात्र, एकाही नागरिकाने पुढे येत हस्तक्षेप केला नाही, ही बाब विशेष चिंतेची ठरते. नांदेड पोलिसांनी सीसीटीव्ही फुटेजच्या आधारे तपास सुरू केला असून लवकरच आरोपींचा शोध लागेल, असे पोलीस सूत्रांनी सांगितले आहे.