Nanded Bypoll : नांदेड लोकसभा पोटनिवडणुकीसाठी काँग्रेसचा उमेदवार ठरला; नाना पटोले यांनी दिली महत्वाची माहिती

नवी दिल्ली : नांदेड लोकसभा पोटनिवडणुकीसाठी काँग्रेसचा उमेदवार ठरला आहे. वसंत चव्हाण यांच्या निधनामुळे नांदेड लोकसभा मतदारसंघात पोटनिवडणूक होत आहे. यामुळे दिल्लीतील बैठकीत नांदेड लोकसभा पोटनिवडणुकीत उमेदवार ठरला. या मतदारसंघातून वसंत चव्हाण यांचे सुपुत्र रवींद्र चव्हाण यांना उमेदवारी मिळणार आहे, अशी माहिती काँग्रेस प्रदेशाध्यक्ष नाना पटोले यांनी दिली आहे.

आज दिल्लीत काँग्रेसच्या स्क्रीनिंग कमिटीची बैठक झाली. या बैठकीत राज्यातील जवळपास ८४ जागांवर चर्चा झाली. त्यापैकी 62 जागांवर बैठकीत एकमत झालं. या बैठकीत नांदेड लोकसभा पोटनिवडणुकीसाठी दिवंगत खासदार वसंतराव चव्हाण यांच्याच मुलाला तिकीट जाणार असल्याचं निश्चित झालं आहे. तसेच २० ऑक्टोबरला तारखेला होणाऱ्या CEC बैठकीत जागांच्या नावांवर अंतिम शिक्कामोर्तब होणार आहे.