Nagpur News: नागपूरमध्ये रामनवमीच्या मिरवणुकीत हिंदू-मुस्लिम एकोप्याचे दर्शन|VIDEO

यंदाही नगपूमध्ये रामनवमी निमित्त भव्य यात्रेचे आयोजन करण्यात आले होते. या यात्रेला मुख्यमंत्री आणि केंद्रीय मंत्री नितीन गडकरी यांचीही उपस्थिती होती. दरवर्षीप्रमाणेच, यंदाही ही यात्रा मोठ्या उत्साहात आणि जल्लोषात पार पडली.

काही दिवसांपूर्वी नागपूरमध्ये औरंगजेबाच्या कबरीवरून दोन गटांमध्ये तणाव निर्माण झाला होता. त्या पार्श्वभूमीवर यंदाच्या यात्रेवर विशेष लक्ष ठेवण्यात आले होते. संभाव्य अनुचित प्रकार टाळण्यासाठी नागपूर पोलिसांनी मोठा बंदोबस्त ठेवला होता. विशेष म्हणजे, ज्या परिसरात दंगल झाली होती, त्या भागातूनही ही रामनवमीची रॅली शांततेत आणि सलोख्याने पार पडली.

या रॅलीचे विशेष आकर्षण ठरले ते म्हणजे मुस्लिम बांधवांनी केलेले स्वागत. त्यांनी रॅलीवर फुलांची उधळण करत रामनवमीच्या सर्व भक्तांना शुभेच्छा दिल्या आणि सामाजिक ऐक्याचे प्रतीक म्हणून रॅलीत सहभागही नोंदवला.