VIDEO : मुसळधार पावसाचा मंत्री, आमदारांनाही फटका, रेल्वे रुळांवरून मुंबईकडे निघाले पायी

मुंबई आणि उपनगरांत कोसळलेल्या मुसळधार पावसाचा फटका आमदार, मंत्र्यांनाही बसला आहे. मुंबई उपनगरीय लोकलसेवेवर परिणाम झाला आहे. तर सकाळी रेल्वे ट्रॅकवर काही ठिकाणी पाणी साचल्यानं लांब पल्ल्याच्या रेल्वेगाड्यांनाही फटका बसला आहे. राज्याचे मंत्री अनिल पाटील आणि आमदार अमोल मिटकरी यांना काही अंतर रेल्वेरुळांवरून चालावे लागले. सिद्धेश्वरी एक्स्प्रेसने ही नेतेमंडळी मुंबईकडे येत होती. यावेळी लोकल विद्याविहारच्या पुढे जाईना. त्यामुळे हे दोघेही रेल्वेतून उतरले आणि त्यांनी कुर्ला रेल्वे स्थानक गाठले. तिथे खूप वेळ बसल्यानंतर आता ते पोलीस वाहनातून मुबईकडे रवाना झाले.