मुंबई-पुणे प्रवास होणार सुपरफास्ट! ‘मिसिंग लिंक’मुळे वेळेची मोठी बचत|VIDEO

मुंबई-पुणे प्रवाशांसाठी मोठी दिलासादायक बातमी समोर आली आहे. बहुप्रतिक्षित ‘मिसिंग लिंक’ प्रकल्प अखेर पूर्णत्वास आला असून, येत्या 1 मे रोजी महाराष्ट्र दिन निमित्त हा मार्ग वाहतुकीसाठी खुला करण्यात येणार आहे. मुंबई-पुणे एक्सप्रेसवेवरील हा ‘मिसिंग लिंक’ मार्ग सुरू झाल्यानंतर प्रवाशांना मोठा दिलासा मिळणार आहे. दररोज या मार्गावर होणाऱ्या तासनतास वाहतूक कोंडीमुळे प्रवाशांना प्रचंड त्रास सहन करावा लागत होता. मात्र, आता या नव्या मार्गामुळे प्रवास अधिक वेगवान आणि सुरळीत होणार आहे.

या प्रकल्पाच्या लोकार्पण सोहळ्याला राज्याचे मुख्यमंत्री देवेंद्र फडणवीस तसेच उपमुख्यमंत्री एकनाथ शिंदे आणि सुनेत्रा पवार राहणार आहे. या ‘मिसिंग लिंक’मुळे मुंबई-पुणे प्रवासाचा कालावधी तब्बल अर्धा ते एक तासांनी कमी होणार आहे. त्यामुळे प्रवाशांचा वेळ आणि इंधन दोन्हीची मोठी बचत होणार असून, प्रवास अधिक सुरक्षित आणि आरामदायी होणार आहे.