Kalyan News : दुर्गाडी किल्ल्याच्या अनधिकृत बांधकामावर हातोडा

कल्याणमध्ये दुर्गाडी किल्ल्याच्या पायथ्याशी असलेल्या अनधिकृत बांधकामावर पालिकेने कारवाई केली आहे. यावेळी कारवाईला विरोध करत नागरिकांनी घोषणाबाजी केली आहे. कल्याणमध्ये असलेल्या दुर्गाडी किल्ल्याच्या पायथ्याशी भटाळे तलावात भराव टाकून उभारण्यात आलेल्या बांधकामावर अखेर आता पालिकेने कारवाई करत हातोडा चालवला आहे. त्यामुळे परिसरातील नागरिकांनी या कारवाईला विरोध करत प्रशासनाविरोधात जोरदार घोषणाबाजी केली आहे. त्यानंतर पोलिसांनी या नागरिकांना ताब्यात घेतल्याचं पाहायला मिळालं आहे.

दुर्गाडी किल्ला हा शिवकालीन किल्ला आहे. या किल्ल्याच्या पायथ्याशी समोरच्या बाजूला भटाळे तलाव आहे. त्यात भराव टाकून नागरिकांनी अनधिकृत बांधकाम केलेलं होत. त्यावर शनिवारी पालिकेच्या पथकाने कारवाई केली आहे. त्यामुळे नागरिकांनी नाराजी व्यक्त करत घोषणाबाजी केली. यावेळी घोषणाबाजी करणाऱ्या नागरिकांना पोलिसांनी ताब्यात घेतलं आहे.