Kasara : कसारा स्थानकात लोकलवर दरड कोसळली, 2 प्रवासी गंभीर जखमी | VIDEO

मुंबईहून कसारा दिशेने येणाऱ्या लोकलवर दरड कोसळल्याची धक्कादायक घटना घडली आहे. लोकल कसारा रेल्वे स्थानकात प्रवेश करत असताना ही घटना घडली आहे.दरवाजात उभे असलेल्या दोन प्रवाशांना गंभीर दुखापत झाली आहे.

प्राथमिक माहितीनुसार, लोकल ट्रेन कसारा स्थानकात येत असताना अचानक दरड कोसळली आणि तिचे काही खडे व माती लोकलवर येऊन पडली. दरवाजात उभ्या असलेल्या दोन प्रवाशांना याचा जबरदस्त फटका बसला आहे. स्थानकावरील इतर प्रवाशांनी तत्काळ मदतीला धाव घेत जखमींना बाहेर काढले आणि नजीकच्या रुग्णालयात दाखल केले.दोन्ही जखमी प्रवाशांची प्रकृती गंभीर असून त्यांच्यावर वैद्यकीय उपचार सुरू आहेत. दरम्यान, या घटनेनंतर काही काळ रेल्वे वाहतूक विस्कळीत झाली होती.