Western Railway : मुंबई लोकल विस्कळीत, चर्चगेट-विरार मार्गावर अर्धा तास उशीर

Western Railway Delay: Local Trains Running Late Due to Track Damage : मुंबईत पश्चिम रेल्वेवरील लोकल ट्रेन सेवा आज सकाळी विस्कळीत झाली आहे. मालाड-कांदिवली दरम्यान रुळाला तडा गेल्याने अनेक लोकल ट्रेन अर्धा तास उशिराने धावत आहेत, तर काही रद्द करण्यात आल्या आहेत. यामुळे प्रवाशांना मोठ्या प्रमाणात गैरसोयीचा सामना करावा लागत आहे. सकाळच्या गर्दीच्या वेळी उद्भवलेल्या या समस्येमुळे प्रवाशांमध्ये नाराजी पसरली आहे. रेल्वे प्रशासनाने रुळ दुरुस्तीचे काम हाती घेतले असून, लवकरात लवकर सेवा पूर्ववत करण्याचे प्रयत्न सुरू आहेत. मात्र, तोपर्यंत प्रवाशांना धीर धरावा लागणार आहे. सकाळी ऑफिसला जाण्यासाठी निघालेल्या चाकरमान्यांना रेल्वे उशीरा असल्यामुळे मोठा त्रास सहन करावा लागत आहे. धो धो पाऊस अन् लोकल उशीरा असल्यामुळे अनेकांचा खोळंबा उडालाय.