Lalbaugcha Raja : लालबागचा राजा विसर्जन मिरवणूकीसाठी सज्ज !

१० दिवसांच्या सेवेनंतर आज बाप्पाला निरोप देण्यात येणार आहे. मुंबईत विसर्जन मिरवणूकीसाठी लालबागचा राजा सज्ज झाला आहे. मंडळाकडून लालबागच्या राजाला आकर्षक सजावट केली आहे. फूल माळांनी सजवून आज आपल्या लाडक्या बाप्पाला निरोप देण्यासाठी मंडळाचे कार्यकर्ते देखील सज्ज झाले आहेत.

गेल्या १० दिवसांपासून भाविक भक्तांनी लालबागच्या राजाच्या दर्शनासाठी गर्दी केली होती. नवसाला पावणारा राजा म्हणून लालबागच्या राजाची ओळख आहे. लाखोंच्या संख्येने भाविक इथे दर्शनासाठी येत असतात. आज भाविक आपल्या लाडक्या बाप्पाला निरोप देणार आहेत. सकाळपासूनच मंडळांचे मानाचे गणपती विसर्जनासाठी सज्ज झाले आहेत. लालबागच्या राजा देखील थोड्या वेळातच विसर्जनासाठी मार्गस्थ होणार आहे. मंडळाकडून लालबागच्या राजाला आकर्षक फुलांची सजावट करण्यात आली आहे. शेवटची आरती झाल्यानंतर राजाची विसर्जन मिरवणूक सुरू होणार आहे. साधारणत: सकाळी ११ वाजता आरती नंतर लालबागचा राजा विसर्जनासाठी मार्गस्थ होणार आहे.