Mumbai News: दादरमधील कबुतरखाना हटवण्यावरून तणाव; पोलिसांशी जैन समाजाची धक्काबुक्की|VIDEO

मुंबई येथील दादरमधील असलेला कबुतरखाना हटवण्यावरून गेल्या काही दिवसांपासून दोन मत प्रवाह पाहायला मिळत आहे. कबुतरखाना हा लोकांच्या आरोग्यासाठी हानिकारक असल्याने तो बंद करण्यात यावा अशी मागणी मागच्या काही वर्षांपासून सुरू आहे. अखेर याला सरकारने मान्यता दिली होती. मात्र हा कबुतरखाना हटवण्याचे काम सुरू झाल्यावर जैन समाजाने आक्रमक पवित्रा घेतला आहे. आज याच ठिकाणी मोठा राडा झाल्याचे पाहायला मिळाले. सकाळी अचानक जैन बांधवांनी दादरमधील कबुतरखाण्याच्या ठिकाणी मोठी गर्दी केली. यावेळी संतप्त जमावाने कबुतरखान्यावर झाकलेली ताडपत्री हटवली. जैन समाजाच्या आक्रमक भूमिकेमुळे काही काळ या परिसरात मोठा तणाव निर्माण झाला होता.