Coastal Road : मुंबईकरांना प्रजासत्ताकदिनी मोठं गिफ्ट! मरिन ड्राईव्ह ते वांद्रे; १५ मिनिटांत सुसाट | Video

अखेर कोस्टल रोड प्रजासत्ताक दिनापासून पूर्ण क्षमतेने मुंबईकरांच्या सेवेत हजर होत आहे. राज्याचे मुख्यमंत्री देवेंद्र फडणवीस यांच्या हस्ते कोस्टल रोडच्या एका नवीन पूलाचं उद्घाटन २६ जानेवारीला होत आहे. त्यानंतर हा पूर्ण कोस्टल रोड मुंबईकरांसाठी खुला करण्यात येणार आहे.

मुंबईकरांना प्रजासत्ताकदिनी मोठं गिफ्ट मिळणार आहे. मुंबईचा कोस्टल रोड प्रजासत्ताक दिनापासून पूर्ण क्षमतेने सुरू होणार आहे. तसंच कोस्टल रोड आणि वरळी वांद्रे सीलिंक जोडणाऱ्या पूलाचं देखील मुख्यमंत्री देवेंद्र फडणवीस यांच्याहस्ते लोकार्पण करण्यात येणार आहे. या पूलाचं लोकार्पण झाल्यानंतर मरिन ड्राईव्ह ते वांद्रे हा प्रवास फक्त १५ मिनिटांत होणार आहे. या पूलाचं लोकार्पण २६ जानेवारीला होणार असलं तरी प्रत्यक्ष वाहतून मात्र २७ जानेवारीपासून सुरू होणार आहे. काही महिन्यांपूर्वी वरळीकडून वांद्रेकडे जाणाऱ्या वाहतुकीचा पूल लोकार्पण करून सुरू करण्यात आला होता. आता उद्या वांद्रेकडून वरळीकडे जाणाऱ्या वाहतुकीचा पूल सुरू करण्यात येणार आहे. यामुळे मुंबईकरांना वाहतूक कोंडीतून मोठा दिलासा मिळणार आहे.