MNS News: कोकण पदवीधर मतदारसंघातून मनसेची माघार! अभिजीत पानसे लढणार नाहीत, कारण...

मनसेनं कोकण पदवीधर मतदारसंघातून माघार घेतली आहे. अभिजीत पानसे यांनी राज ठाकरे यांच्या सांगण्यावरुन माघार घेतली असल्याचं सांगण्यात आलं आहे. नितीन सरदेसाई यांनी माध्यमांशी बोलताना याबाबत सविस्तर माहिती दिली. अभिजीत पानसे निवडणुकीचा अर्ज भरणार नाहीत, असं नितीन सरदेसाई यांनी स्पष्ट केलं. इतकंच काय तर निरंजन डावखरे हेच उमेदवार असतील, असंही त्यांनी स्पष्ट केलं. निरंजन डावखरे यांनी राज ठाकरे यांनी भेट घेऊन त्यांचे आशीर्वादही घेतल्याचं नितीन सरदेसाई यांनी स्पष्ट केलं. त्यानंतर अभिजीत पानसे यांच्या उमेदवारीबाबत निर्णय झाल्याचं बोललं जातंय. मनसेनं घेतलेल्या या भूमिकेमुळे राजकीय वर्तुळात चर्चांना उधाण आलंय.