गुप्त ठिकाणी बैठक, हातात बंद लिफाफे मनसे आणि ठाकरे गटात नेमकं काय घडतंय? VIDEO

बंद लिफाफे घेऊन मनसेचे नेते राज ठाकरे यांच्या निवासस्थानी दाखल झाले आहेत. नितीन सरदेसाई, बाळा नांदगावकर हे शिवतीर्थावर गेले असून बंद लिफाफे यांच्या हातामध्ये दिसून येत आहे. यामध्ये मुंबईतील उमेदवारांची नावे असण्याची शक्यता वर्तवली जात आहे. मनसे आणि शिवसेना ठाकरे गट कोणत्या जागा लढवणार याबाबतची माहिती आणि पुरावे घेऊन बाळा नांदगावकर आणि मनसेचे नेते बैठकीसाठी गेले आहेत. ठाकरे बंधूंच्या युतीच्यावेळी राज ठाकरे यांनी जागावाटपाबाबत कुठलीही माहिती माध्यमांना दिली नव्हती. त्यामुळे मनसे आणि ठाकरे गटाचा फॉर्म्युला अजून तरी कळू शकला नाहीये. उद्यापासून उमेदवारांना पक्षाकडून एबी फॉर्म देण्यात येतील अशी माहिती समोर आली आहे.

सकाळी 11 वाजता नांदगावकर आणि नितीन सरदेसाई यांची ठाकरेंच्या नेत्यांसोबत गुप्त ठिकाणी बैठक पार पडली. यानंतर हे दोघे राज ठाकरे यांच्या भेटीसाठी आले. त्यामुळे जागावाटपाचा निर्णय अद्यापतरी कळू शकला नाही.