२० वर्षांची साथ संपली; बड्या नेत्याची मनसेतून हकालपट्टी, भाजपात जाणार?

मनसेचे कोकण संघटक आणि राज्य सरचिटणीस वैभव खेडेकर यांनी पक्षातून हकालपट्टी करण्यात आली आहे. खेडेकर लवकरच भाजपच्या किंवा शिवसेना शिंदेंच्या गोटात दाखल होणार असल्याची चर्चा आहे. काही दिवसांपूर्वी खेडेकर दापोलीत महायुतीच्या नेत्यांच्या उपस्थितीत झालेल्या कार्यक्रमाच्या व्यासपीठावर ते दिसले होते.

महायुतीच्या नेत्यांनी त्यांनी महायुतसोबत येण्याची ऑफर दिली असल्याची माहिती आहे. ते मनसेला सोडचिठ्ठी देणार होते. मात्र, आता त्यांची पक्षातून हकालपट्टी करण्यात आली आहे. आगामी स्थानिक स्वराज्य संस्थांच्या निवडणुकांच्या पार्श्वभूमीवर खेडेकरांच्या बाहेर पडण्यामुळे मनसेला मोठा धक्का बसला आहे. दरम्यान, ते लवकरच भाजपमध्ये प्रवेश करतील, अशी शक्यता राजकीय वर्तुळात वर्तवली जात आहे.