Munawar Faruqui News: मुनव्वर फारूकीकडून कोकणी माणसाबाबत अपशब्द ; मनसे आक्रमक, पाहा VIDEO

मुंबई : बिग बॉस विनर आणि स्टॅंडअप कॉमेडियन मुनव्वर फारूकी यानं पुन्हा वादग्रस्त वक्तव्य केलंय. मुंबईतील वाहतूक कोंडीवर बोलताना मुनव्वरने कोकणी माणसांबद्दल अपशब्द वापरले होते. त्यामुळे मनसे कार्यकर्ते आक्रमक झाल्याचं दिसले. मुनव्वर फारुकीच्या वक्तव्याने कोकणी माणूस दुखावला गेलाय. मनसे मुनव्वर फारुकीचा बंदोबस्त करणार. मुनव्वर फारूकी कुठे असेल तर कळवा, असं आवाहन मनसेकडून मराठी लोकांना करण्यात आलं होतं.

मुनव्वर फारुकीने कोकणी माणसाबाबत अपशब्द वापरल्याचा व्हिडीओ देखील व्हायरल झाला होता. सोशल मीडियावर टिकेचा भडीमार झाल्याने मुनव्वर फारुकीने ट्विटरच्या माध्यमातून माफी मागितली होती. मुनव्वर फारुकीच्या वक्तव्यावर भाजप नेते नितेश राणे यांनीही आक्षेप घेतला होता. माझ्याकडून चुकून विधान करण्यात आलं, असं म्हणत मुनव्वरने माफी मागितली होती.