Nagpur News : नागपुरात मनसेच्या कार्यकर्त्यांची टोलनाक्यावर तोडफोड, पाहा VIDEO

मुंबई : नागपूरमधून मोठी बातमी समोर येत आहे. टोल वसुलीविरोधात मनसे कार्यकर्ते आक्रमक झाले आहेत. त्यांनी टोल नाक्यावर तोडफोड केल्याचं समोर आलंय. नागपुरातील वाडी पोलीस स्टेशनच्या हद्दीतील वाडी ते हिंगण्याकडे जाणाऱ्या मार्गावरील टोलवसुली विरोधात मनसेच्या वाहतूक सेनेच्या पदाधिकाऱ्यांनी ही तोडफोड केलीय.

मनसेच्या पदाधिकाऱ्यांनी धिंगाणा घालत टोलवसुली विरोधात आंदोलन केलं होतं. आज मनसेच्या पदाधिकाऱ्यांनी टोलनाक्यावर जावून काचांची तोडफोड केलीय. सोयी सुविधा मिळत नसताना टोलवसुली केली जातेय, असा आरोप मनसेच्या पदाधिकाऱ्यांनी केलाय. आता तोडफोड केल्याप्रकरणी वाडी पोलिसांनी चौघांना ताब्यात घेतलंय. नागपूरमध्ये टोल वसुलीविरोधात मनसे कार्यकर्ते आक्रमक झाल्याचं पाहायला मिळतंय. नागपुरात मनसेनं टोलनाक्याची तोडफोड केलीय.