Maharashtra Politics: पहलगाममध्ये धर्म विचारून गोळ्या मारल्या, आणि ही लोक भाषा विचारून हिंदूंना चोपतायत- आशिष शेलार|VIDEO

मीरा रोड येथील एका अमराठी मिठाई दुकानदाराला मराठीत बोलण्यास नकार दिल्यामुळे मनसेच्या काही कार्यकर्त्यांनी मारहाण केल्याची घटना घडली होती. या घटनेच्या निषेधार्थ मीरा भाईंदरमधील व्यापारी संघटनांनी बंद पुकारला होता. यावरून गेल्या काही दिवसांपासून राजकीय वातावरण चांगलेच तापले आहे. आता भाजप नेते आशिष शेलार यांनी मनसेच्या मराठी भाषेच्या आंदोलनाची तुलना थेट पहलगाम हल्ल्याशी केली आहे. आशिष शेलार यांनी पत्रकार परिषद घेत काल झालेल्या ठाकरे मेळाव्यावर टीकास्त्र सोडले. पहलगाममध्ये धर्म विचारून हिंदूना गोळ्या मारल्या आणि इथे ही सगळी मंडळी निष्पाप हिंदूंना चोपत आहेत. असे विधान मंत्री आशिष शेलार यांनी केले आहे.