Vidhan Sabha: विधानसभेत उमटले मारकडवाडीचे पडसाद; विशेष अधिवेशनात EVMवरून रणकंदन

भरत मोहळकर, साम प्रतिनिधी

विधानसभेच्या निकालानंतर विधीमंडळाच्या विशेष अधिवेशनाचा पहिला दिवस गाजला तो विरोधकांच्या बहिष्कारास्त्रामुळे. मारकडवाडीत मतपत्रिकेवर फेरमतदान घेण्याचा प्रयत्न केल्याप्रकरणी पोलिसांनी ग्रामस्थांवर गुन्हा दाखल करत आंदोलकांची धरपकड केलीय. या प्रकरणी महाविकास आघाडीने थेट सभात्याग करत नव्या आमदारांच्या शपथविधीवरच बहिष्कार टाकलाय. तसंच ईव्हीएमवरून सरकारवर हल्लाबोल केलाय.

तर महाविकास आघाडीचे नेते रडीचा डाव खेळत असल्याची टीका अजित पवारांनी केलीय.दरम्यान निवडणूक आयोग मतपत्रिकेवर निवडणूक घेण्यास तयार झाल्यास आपण आमदारकीचा राजीनामा देऊन निवडणुकीला सामोरं जाऊ, अशी भूमिकाच माळशिरसचे आमदार उत्तम जानकरांनी घेतलीय.

महाविकास आघाडीच्या नेत्यांनी शपथविधीवर बहिष्कार टाकून निषेध नोंदवलाय... मात्र त्यानंतर सरकार आता मारकडवाडीतील ग्रामस्थांवर दाखल केलेले गुन्हे मागे घेणार का? याकडे लक्ष लागलंय.