मराठवाड्यात 500 च्या नोटांचा तुटवडा; तुळजापूरमध्ये व्यापाऱ्यांना फटका

धाराशिव जिल्ह्यासह संपूर्ण मराठवाड्यामध्ये बँकांमध्ये 500 च्या नोटांचा तीव्र तुटवडा निर्माण झाला आहे. या तुटवड्याचा फटका तुळजापूरमध्ये व्यापाऱ्यांना बसला आहे. लग्नसराईचा काळ उन्हाळी सुट्ट्या असल्याने तुळजापुरात भाविकांची मोठी गर्दी होतेय. मात्र व्यवहारिक देवाणघेवाण करण्यासाठी अडचणी निर्माण होत आहेत. संभाजीनगर, जालना आणि नांदेडसह अनेक जिल्ह्यांमध्ये ग्राहकांना केवळ 100 रुपयांच्या नोटा घेण्याचा आग्रह धरला जातोय. नोटा हव्या असतील तर फक्त शंभरच्या घ्या, अन्यथा रोख रक्कम मिळणार नाही, असं मराठवाड्यातील बहुतांश बँकांमधून सांगितले जातंय. बाजारपेठेत चलनाची चणचण निर्माण झाल्याने सर्वत्र संताप व्यक्त केला जात आहे.