VIDEO: आरक्षणावरून सत्ताधारी-विरोधक एकत्र; केवळ राजकारण सुरू, मनोज जरांगे पाटलांचा हल्लाबोल

धाराशिव: मनोज जरांगे यांच्या शांतता रॅलीचा आज पाचवा दिवस आहे. धाराशिवमध्ये आज मनोज जरांगे यांच्या रॅलीला मराठा बांधवांचा प्रचंड प्रतिसाद मिळताना दिसत आहे. लाखोंच्या संख्येने मराठ्यांचा आक्रोश रस्त्यांवर पाहायला मिळत आहे. रॅली आणि सभांपेक्षा जास्त गर्दी आजच्या रॅलीत दिसत आहे. माझ्या समाजासाठी माझे शरीर कधीच दुखत नाही. माझा समाज आशीर्वाद द्यायला आल्यानंतर दुखणं पळून जात असल्याचं जरांगे पाटलांनी म्हटलंय. मला सर्वांनी घेरलं आहे.

छगन भुजबळांनी ओबीसींचे नेते एकत्र केलेत. जातीवाद, दंगली घडवण्याचा प्रयत्न केल्याचा आरोप जरांगे पाटलांनी केला आहे. खुर्चीसाठी हे लोक जाती संपवतील असा हल्लाबोल जरांगे पाटलांनी मराठा आरक्षणाच्या रॅलीत केलाय. आरक्षणावराच्या मुद्द्यावर सत्ताधारी आणि विरोधक एकत्र आले आहेत. केवळ राजकारण सुरू असल्याचा आरोप मनोज जरांगे पाटील यांनी केलाय.