सामाजिक न्याय मंत्री, तथा पालकमंत्री संजय शिरसाट यांच्या संभाजीनगरमधील गोलवाडी परिसरातील निवासस्थानी गुरुवारी मध्यरात्री तीन तरुणांनी दगड आणि काचेच्या बाटल्या भिरकावून फेकल्या आणि गोंधळ घातल्याची धक्कादायक घटना घडली. रात्री साडेबारा वाजण्याच्या सुमारास घडलेल्या या घटनेत संशयितांना पकडण्याच्या प्रयत्नात दोन पोलीस किरकोळ जखमी झाले. घटनेनंतर पोलिसांनी तिन्ही संशयितांना ताब्यात घेतले. शिरसाट यांच्या घरावर हल्ला केलेली घटना कॅमेऱ्यात कैद झाली आहे. दुचाकीवर ३ तरूण आल्याचे या व्हिडीओत स्पष्ट दिसत आहे. त्यांनी नेमका हल्ला का केला? याबाबत पोलिसांकडून तपास केला जात आहे.
मात्र, या हल्ल्यानंतर पोलिसांच्या कार्यपद्धतीवर शिरसाट यांनी तीव्र नाराजी व्यक्त केली. "पोलीस आयुक्तांचा फोन बंद असून एकही डीसीपी (DCP) किंवा एसीपी (ACP) घटनास्थळी पोहोचला नाही. पालकमंत्र्यांच्या घरावर हल्ला होतोय, त्याची तरी दखल घ्या," अशा शब्दांत त्यांनी पोलिसांना सुनावले. यानंतर महाराष्ट्राच्या पोलीस महासंचालकांनी फोन उचलून योग्य ती कारवाई करण्याचे आश्वासन दिल्याचे शिरसाट यांनी सांगितले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.