Maharashtra Politics : CM देवेंद्र फडणवीस मराठा नेत्यांना संपवताहेत; मनोज जरांगे यांचा खळबळजनक आरोप, VIDEO

'देवेंद्र फडणवीस मराठा नेत्यांना संपवण्याचा तयारीत आहेत. भाजपच्या २०-३० खासदारांचे मला फोन आले आहेत, असा धक्कादायक दावा मनोज जरांगे यांनी केला आहे. ते अहिल्यानगरमध्ये पत्रकारांशी बोलत होते.

मनोज जरांगे पाटील यांनी हिंदू- मुस्लिम वादासंदर्भात भाष्य करताना मुख्यमंत्री देवेंद्र फडणवीस यांच्यावर निशाणा साधला आहे. 'त्यांना फक्त दंगली करून मते घ्यायची आहेत. आम्ही देखील हिंदू आहोत. मग आम्हाला आरक्षण का नाही,असा सवाल मनोज जरांगे पाटील यांनी केला आहे.

'मराठे फक्त मारामारी करण्यासाठीच आहे का? आम्ही हिंदू नाही का, असा उलट प्रश्न जरांगे यांनी केला. 'आम्ही अस्सल हिंदू आहोत. मात्र आज हे सरकार आमची जात संपवायला निघाली आहे, असं मनोज जरांगे पाटील यांनी म्हटलं.

'आज आम्हाला आमचाच हिंदू विरोध करत आहे. छगन भुजबळ कोण आहे, त्यांना कोणी बोलत नाही, तू हिंदू आहे. मग आरक्षणला विरोध का, असा सवाल जरांगे यांनी केला आहे.