ऐन निवडणुकीत कोकणात मोठी राजकीय घडामोड; राणे-शिंदे भेटीने युतीत खळबळ|VIDEO

कोकणात मतदानाच्या तोंडावर राजकीय वातावरण चांगलेच तापले आहे. या पार्श्वभूमीवर भाजप नेते आणि माजी केंद्रीय मंत्री नारायण राणे त्यांचे पुत्र आमदार निलेश राणे आणि राज्याचे उपमुख्यमंत्री एकनाथ शिंदे यांच्यात महत्त्वाची बैठक पार पडली.

दरम्यान, निलेश राणे यांनी भाजपवर गंभीर आरोप करत स्थानिक पदाधिकाऱ्यांमुळे युती तुटल्याचा ठपका ठेवला आहे. तसेच दोन दिवसापूर्वी निलेश राणे हे थेट एका भाजप पदाधिकाऱ्याच्या घरी जात पैशांची बॅग दाखवली आणि भाजप पैसे वाटत असल्याचा गंभीर आरोप त्यांनी केला. रवींद्र चव्हाण यांच्या मार्फत हे पैसे दिल्याचा झणझणीत आरोप त्यांनी चव्हाण यांच्यावर केल्याने शिवसेना शिंदे गट आणि भाजपमधील अंतर्गत कलह पुन्हा एकदा चव्हाट्यावर आला आहे. या सर्व घडामोडींमुळे राणे–शिंदे बैठकीकडे राजकीय वर्तुळाचे लक्ष लागले असून उद्या होणाऱ्या मतदानाच्या पार्श्वभूमीवर या चर्चेला विशेष महत्त्व प्राप्त झाले आहे.