Beed Political News : माजलगावच्या जागेसाठी महायुतीत रस्सीखेच ?

बीड जिल्ह्यातील माजलगाव मतदारसंघामध्ये उमेदवारीवरून महायुतीसमोर पेच निर्माण होण्याची शक्यता आहे. महायुतीच्या जागा वाटपात हा मतदारसंघ राष्ट्रवादी काँग्रेस अजित पवार गटाकडे जाणार असल्याचं निश्चित झालं आहे. विद्यमान आमदार प्रकाश सोळुंके किंवा जायसिंग सोळुंके यांना उमेदवारी मिळू शकते. तर दुसरीकडे भाजप नेते गोविंदराव जगताप यांचे समर्थक निवडणूक लढवण्यावर ठाम आहेत. त्यामुळे या जागेसाठी विधानसभेला पेचप्रसंग निर्माण होण्याची शक्यता आहे. असं झाल्यास राष्ट्रवादीचे आमदार प्रकाश सोळुंके यांच्यासमोर नव आव्हान उभं राहणार आहे.

विधानसभा निवडणुका तोंडावर आल्या असल्याने इच्छुकांची भाऊ गर्दी झाली आहे. अशातच माजलगाव मतदारसंघात महायुतीकडून राष्ट्रवादी काँग्रेस अजित पवार गट आणि भाजपमध्ये चढाओढ लागली आहे. ही जागा राष्ट्रवादीला सुटणार असल्याचं बोललं जात आहे. मात्र या जागेसाठी भाजप नेते मोहनराव जगताप देखील इच्छुक आहेत. त्यामुळे या जागेचा प्रश्न सोडवणं महायुतीला अवघड जाणार आहे.