Marathi Vijay Melava: संपूर्ण लाईट बंद... इकडून उद्धव, तिकडून राज, ठाकरे बंधूंच्या ग्रँड एंट्रीने वरळी डोम दणाणला|VIDEO

अखेर तो दिवस आज आला ज्याची प्रतीक्षा सर्वांनाच होती. ती म्हणजे राज आणि उद्धव ठाकरे हे एकत्र आले. अनेक वर्षांपासून सर्व मराठी माणसांची जी इच्छा होती. ती आज पूर्णत्वास आली. मराठीच्या मुद्यावर ठाकरे बंधु हे एकत्र आले पण ते असेच नाही आले तर मोठ्या दिमाख्खात आले. वरळीच्या डोममध्ये आज ठाकरे मराठी विजय सोहळा पार पडत आहे. त्यापूर्वी राज आणि उद्धव ठाकरेंची ग्रँड एंट्री स्टेजवर झाली आणि आख्या महाराष्ट्रात आनंदाचे वातावरण निर्माण झाले. दोन्ही ठाकरे येण्याआधी डोममधील संपूर्ण लाईट बंद करण्यात आली होती. दोघांवरही फॉलोअप लाईटचा प्रकाश टाकण्यात आला. कोण आला रे कोण आला... महाराष्ट्राचा वाघ आला... असे गाणे मागे चालू होते. यावेळी संपूर्ण वरळी डोम दणाणून निघाला होता.