निवडणुकीनंतर शिंदे भाजपमध्ये प्रवेश करणार, बड्या नेत्याचा खळबळजनक गौप्यस्फोट|VIDEO

राज्यात सध्या महापालिका निवडणुकीचा महासंग्राम सुरू असून अनेक दिग्गज नेते हे पक्षांतर करताना दिसत आहे. दरम्यान आता देशाचे माजी गृहमंत्री सुशीलकुमार शिंदे यांची कन्या खासदार प्रणिती शिंदे या चर्चेत आल्या आहेत. प्रणिती शिंदे या लवकरच भाजपमध्ये प्रवेश करणार असल्याचा दावा केला जात आहे. वंचित बहुजन आघाडीचे नेते सुजात आंबेडकर यांनी प्रणिती शिंदेंबाबत मोठे वक्तव्य केले आहे. सुजात आंबेडकर म्हणाले की या निवडणुकीच्या आधी प्रणिती शिंदे भाजपमध्ये प्रवेश करणार होत्या.

मात्र, देवेंद्र फडणवीस यांनी त्यांना सांगितले की थांबा तीन महत्वाच्या निवडणुका येता आहेत. नगरपालिका, महानगरपालिका आणि जिल्हा परिषदेच्या निवडणुका येत आहेत. तुम्ही तो पर्यंत काँग्रेसमध्येच थांबा आणि सेटिंग करून भाजपचे सर्व उमेदवार निवडून आणा असा मोठा गौप्यस्फोट सुजात आंबेडकर यांनी केला आहे.