Rajkot Fort Rada : राजीनामा द्या... मालवण राड्यानंतर संजय राऊत संतापले, पाहा VIDEO

मुंबई : राजकोट किल्ल्यावर झालेल्या राड्यावरून ठाकरे गटाचे खासदार संजय राऊत यांनी सत्ताधाऱ्यांना घेरलंय. शिवरायांचा पुतळा उभारणीमध्ये भ्रष्टाचार झाल्याचा गंभीर आरोप संजय राऊत यांनी केलाय. शिवाजी महाराजांच्या पुतळ्याच्या निर्मितीमध्ये हजारो कोटी रुपयांचा भ्रष्टाचार झालाय. तेच पैसे निवडणुकीत वापरलेले आहेत, असा आरोप देखील त्यांनी केलाय. राऊतांनी थेट देवेंद्र फडणवीस, एकनाथ शिंदे यांचं नाव घेत सरकारवर घणाघात केलाय.

याप्रकरणी आंदोलनं करून काही होणार नाही, तर राजीनामे द्या. अशी मागणी देखील संजय राऊत यांनी केलीय. काल झालेल्या राड्यावरून त्यांनी गृहखात्यावर खोचक टीका केलीय. मालवणमध्ये सिंधुदुर्ग किल्ल्यासमोर काल झालेला प्रकार महाराष्ट्राच्या गृह खात्यावर थुंकण्याचा प्रयत्न असल्याची टीका राऊतांनी केलीय. शिवाजी महाराजांच्या संदर्भात भाजपचं कृत्य नीच असल्याचं त्यांनी म्हटलंय. सरकारविरोधात महाविकास आघाडीचं जोडेमार आंदोलन १ तारखेपर्यंत सुरूच राहणार असल्याचा इशारा देखील त्यांनी दिलाय.