Maharashtra Politics : देवेंद्र फडणवीस यांची नार्को टेस्ट करा, संजय राऊत काय म्हणाले, पाहा VIDEO

मुंबई : उपमुख्यमंत्री देवेंद्र फडणवीस राजकारणातील कच्च लिंबू आहेत, अशी शेळकी टीका ठाकरे गटाचे नेते संजय राऊत यांनी केलीय. चांदिवाल आयोगाच्या अहवालात स्फोटक माहिती समोर आलीय. त्यामुळे तो कधीही सादर होवू शकतो, या भीतीपोटी आमचं सरकार पाडण्यात आलं असा दावा देखील राऊतांनी केलाय. अनिल देशमुख नार्को टेस्ट करणार आहेत, त्यांनी तशी तयारी दाखवली आहे. देवेंद्र फडणवीस नार्को टेस्ट करणार आहेत का? असा सवाल देखील संजय राऊत यांनी विचारला आहे.

चांदिवाल आयोगाचा अहवाल कधी आला, त्यानंतर काय झालं याची चौकशी करा. अॅंटिलियाचे षडयंत्र रचले, शंभर कोटींचा घोटाळा, आमच्यावर आरोप केलेत. फडणवीसांनी असे खोटे प्रकरणं निर्माण केलीत. त्यामुळे देवेंद्र फडणवीस यांची नार्को टेस्ट करा, अशी मागणी संजय राऊत यांनी केलीय. फडणवीस राजकारण करत नसल्याचा टोला देखील राऊतांनी लगावला आहे. आता संजय राऊत यांच्या आरोपांमुळे राजकीय वर्तुळात पुन्हा एकदा वादळ उठण्याची शक्यता आहे.