मनोज जरांगे पाटील यांच्या कथित ५०० कोटींच्या ऑडिओ क्लिप प्रकरणावरून राजकारण तापले आहे. या प्रकरणावरून आरोपप्रत्यारोप सुरू झाले आहेत. या प्रकरणावर शिवसेना उद्धव बाळासाहेब ठाकरे पक्षाचे खासदार संजय राऊत यांनी भाजपवर गंभीर आरोप केले आहेत. “भाजपच्या विधान परिषदेच्या आमदारानेच ही क्लिप फोडली,” असा खळबळजनक दावा संजय राऊत यांनी केला आहे. दरम्यान, मराठा आंदोलक मनोज जरांगे यांनी उपमुख्यमंत्री एकनाथ शिंदे यांनी माझ्या नावाने भाजपकडून ५०० कोटी रुपये घेतल्याचा खळबळजनक दावा केला होता. या प्रकरणावरून मनोज जरांगे यांनी भाजप आणि शिंदेसेनेवर अनेक गंभीर आरोप केले आहेत.